視后佘詩曼（阿佘）與周嘉洛今日（6/4）現身中環香港終審法院外，為無綫熱播劇集《正義女神》拍攝番外篇。兩人雖然戲份沉重，但現場氣氛輕鬆，更互相評價對方在劇中的突破性演出。

周嘉洛搣甩「金城安」 演技獲阿佘認證

一向以喜劇形象深入民心的周嘉洛，今次在劇中飾演嚴肅的法官，成功搣甩「金城安」的影子。對於這位後輩的表現，阿佘給予了極高評價：「我覺得嘉洛今次合作完之後，覺得佢好認真。佢平時都係一啲比較搞鬼、輕鬆啲嘅角色，但今次一反常態做一個好寡言嘅法官，我見到佢嘅可塑性真係好高。」

周嘉洛對阿佘充滿敬意

周嘉洛亦表示，能與阿佘合作獲益良多，形容過程如同參與一場「十級巨浪」般的震撼體驗，對阿佘這位「點範級」演員充滿敬意。阿佘被問到何時已有留意這位受無綫力捧小生周嘉洛？阿佘笑言：「冇留意佢。」周嘉洛接著說：「仲咩問呢啲問題啫，咁樣傷害我。」阿佘笑說：「咁我梗係有睇《愛回家》，佢俾我感覺真係嘻嘻哈哈，成日都係好活躍，但原來佢係好認真嘅。」