陳婉婷靠直播過活 拍Viutv靈異節目搵師傅轉事業運

撰文:鄺鈺瑩
出版:更新:
陳婉婷離巢之後,直播成了她最大的收入來源。

陳婉婷(Hebe)日前現身直播平台,她笑言直播成為收入主要來源,但不會放棄任何演出機會:「之前都有幫ViuTv做節目,依家手上都有啲項目傾緊,其實咩台都冇咩所謂,最緊要有得發揮,我喺邊度拍戲、拍劇都冇所謂!(如果TVB搵你返去呢?)依家志偉哥做咗高層,唔知佢哋會唔會搵我,但係只要有好節目、好角色,當然想參與其中!」

隨著曾志偉回歸TVB ,陳婉婷都唔介意回巢。

Hebe預告將為Viutv拍攝靈異節目,但她自認細膽怕「惹禍上身」:「節目說要幫我『轉運』,我講明鬼神嘢不要搞我!現在好像說幫手轉事業運,讓我不用終日做丫鬟。因為以前電視台實習時得幾千元,幾日都不能回家,休息室瞓覺時曾『比嘢責』,所以嚇到怕!上星期做直播分享翻這段往事,Fans突然話我後面多了個人,嚇到我即刻熄機上床瞓覺!」