廖子妤常被「催婚」 搵適合對象要隨緣：無咁簡單嘅！

廖子妤（Fish)早前為婚禮業界舉行的頒獎禮擔任頒獎嘉賓，同場還有《淪落人》導演陳小娟及陶傑等。一身西裝打扮的Fish「反串」現身，她表示：「之前拍攝《地產仔》，或者金像獎都有著男仔西裝，我自己好鍾意西裝，我覺得呢件係我嘅盔甲，係一個好有魅力打扮。無論男同女都可以嘗試。」

Fish透露早前擔任模特兒影婚照，加上近年不少朋友結婚，故有不少朋友向她「催婚」，令她想自己是否已到適婚年齡，她說：「身邊朋友紛紛步入婚姻殿堂，都會開始問我幾時結婚呀，想唔想結婚呀？」不過單身的她並未就人生大事太過著急，她直言：「我嘅答案都係隨緣啦，你要遇到一個啱嘅人無咁簡單嘅，身邊朋友好幸運可以遇到另一伴，我都好替佢哋開心。」

雖然未遇到Mr Right，不過Fish表示已諗好自己的婚禮：「唔係個個都咁幸運會遇到，我會憧景有個婚禮，希望可以搞一個party，唔洗畀禮金，來玩同食嘢，有泳池有live band，開開心心咁玩。」