聲夢傳奇|姚焯菲差啲被淘汰爆喊 潘靜文跌入危險區:我幫佢承受

撰文:
最後更新日期:

無綫重磅巨製,歌唱選秀節目《聲夢傳奇》今晚(10/4)播出第一集,林沚羿、潘靜文、姚焯菲、張馳豪、林君蓮、詹天文、黃奕斌、孫漢霖、炎明熹、蔡愷穎、冼靖峰、鍾柔美、文凱婷、何晉樂及林智樂,15位學員初踏台板獻聲追夢。據知節目的第一,二集為第一回合,在首輪回合獲得最低分的一位就會即時被淘汰,賽制也算是緊刺激。

鍾柔美唱容祖兒的《天窗》。(電視截圖)

首位出場的就是鍾柔美,唱容祖兒的《天窗》,李克勤就讚她夠淡定,而《天窗》的作曲人周柏豪就大讚:「唱到副歌部份,我起晒雞皮。」第二位就有26歲的張致豪(Aska),唱盧廣仲的《刻在我心底的名字》,王灝兒(JW)就說他「假音有啲緊」,不過張致豪最後也得到16棧燈,比鍾柔美多了一棧燈。

聲夢傳奇︱Aska張馳豪修讀第二個碩士學位 為返港參賽停學一年

張致豪唱盧廣仲的《刻在我心底的名字》。(電視截圖)

姚焯菲今年14歲,是最年輕的一位。(電視截圖)

姚焯菲也得到評語,衛蘭:「你好得意,So Cutie,不過就唱得硬咗啲。」李克勤就笑說:「I'm so old」泳兒:「有星味,但係唱歌方面真係要加強,揀歌要小心。」舒文:「你頭先唱歌係成首歌一個patch,但係我睇你講嘢唔係咁。」得分9分,走入「危機區」時眼濕濕。

林智樂唱《無樂》得到13分。(電視截圖)

詹天文唱《泡沫》後亦得到不少評審的好評,泳兒說:「你下首歌可以表現多啲假音。」唱片監製徐浩亦說:「Windy係今晚為止唱得最準嘅。」最後詹天文得到24分。(電視截圖)

潘靜文今晚表現就失準,表演完畢後,監製Edmond就給評語:「聽唔到方皓玟影子,呢個係好嘅,但係你同歌詞嘅關聯再多少少,就好啲。」最後只得到8分,跌入「危機區」。她說:「原本以為自己起碼有15分,冇諗過會咁,我真係好唔捨得。身為大姐姐,留喺呢個位置,對大家嚟講可能係好事,我代替咗Chantel個位,可以幫佢承受。」

潘靜文說只得到8分,跌入「危機區」。(電視截圖)

同場加映:聲夢傳奇|15位參賽者IG起底 呢四位最有機會做「星夢接班人」

點擊睇9位參賽者的女參賽者:

+24
+24
+24

點擊睇6位參賽者的男參賽者:

+14
+14
+14


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。