蔡嘉欣自爆27歲生日收男友支票 「我啲生日禮物好現實」
撰文：洪曉璇
出版：更新：
2019年參選港姐入行嘅蔡嘉欣身兼多重身份，本身已經係KOL，又有開時裝店做老闆娘，不時拍片同大家分享。喺佢IG不時發現名牌手袋、名車等，上年仲手揸40萬現金去匯款被網友話佢炫富。4月27日係蔡嘉欣27歲生日，佢接受訪問時又再自爆收生日厚禮，連拿督之女莊思敏聽到都嘩嘩聲。
蔡嘉欣喺IG曬大大札藍色玫瑰，生日後為《姊妹淘》開工時，獲一眾拍檔為佢以及5月生日嘅莊思敏送上蛋糕慶祝。蔡嘉欣接受訪問時話：「呢個係我好難得收到一紮花，你知唔知點解？（高八度）係因為情人節呢《姊妹淘》啲Group個個喺度曬自己另一半送嘅花，勁誇張，跟住我咪畀我另一半睇……施壓之後我就有花收喇！」
藍色玫瑰一向屬貴價花種，蔡嘉欣被問及男友仲有咩表示，佢嘅回應更令全場嘩然：「無啦我啲生日禮物好現實，全部都係折現寫張支票畀我（嘩聲四起），我年年都係咁樣㗎喎，都有5位數嘅。因為通常男朋友都買啲好奇怪嘅禮物，所以佢話不如我寫張支票畀你自己去買啦。」蔡嘉欣回應時一臉平常，但身邊嘅陳詩欣及莊思敏聽到都嘩嘩聲。
+25
+5
點擊下圖睇更多手袋收藏：
+11