夏竹欣與圈外男友拉埋天窗 未習慣做人妻：大家幫手叫多啲黎太
撰文：鄺鈺瑩
出版：更新：
夏竹欣上月入紙與圈外男友黎偉諾登記結婚，婚禮於昨日舉行。(IG圖片)
曾效力無綫15年，拍過《同事三分親》、《衝上雲霄II》嘅夏竹欣，離巢後成年薪過百萬嘅保險從業員。事業一帆風順，愛情亦同樣得意，日前夏竹欣在IG分享多張與圈外男友嘅婚紗照，並笑言對於黎太這稱呼仍未習慣：「早晨黎太，知道係一定會好唔慣，要用少少時間去適應吓啦，唯有大家幫手叫多啲啦！多謝天公做美，噚日喺非常晴朗嘅天氣下，我最重要、最愛、最好、最錫嘅人都陪住我見證住我人生其中一個對我嚟講最重要最重要嘅時刻，感激我遇見你哋每一個，最重要就梗係多謝黎生啦，你係得嘅，我️愛你！」
夏竹欣離開無綫後，更成為年薪過百萬的傑出保險從業員。(IG圖片)
夏竹欣於07年因為拍《同事三分親》而與黃子雄拍拖，兩人拍拖8年因了解而分手，不過兩人再見亦是朋友，黃子雄獲悉舊愛結婚亦大方送上祝福：「我哋仍然係好好嘅朋友，經常會見面，我當然知道佢訂婚，好替佢哋開心。」
+2