Jeffrey收入增加未諗買樓 讚MIRROR香港之光:睇過最好嘅演唱會

撰文:陳芷穎
出版:更新:

男神魏浚笙(Jeffrey)今天(13/5)現身中環出席泰國茶飲店開幕禮,吸引數十名粉絲到場支持。自ViuTV節目《調教你男友》和《膠戰》播出後,Jeffrey的人氣以及工作量均有所提升,他接受《香港01》訪問時感激客戶以及粉絲的支持:「有冇大大提升呢?都係咁喇,好多謝客戶、Fans嘅鍾意。」他坦承收入有所增加,不過卻未有考慮置業:「(收入)多咗少少,都好開心。要儲蓄為先,因為唔知之後發生咩事,儲錢穩陣啲。(有冇打算買樓?)完全冇,我呢啲爭太遠,冇咁易。」

Jeffrey現身中環出席泰國茶飲店開幕禮,吸引數十名粉絲到場支持。(葉志明攝)

除《膠戰2》外,Jeffrey亦有份參演ViuTV新劇《IT狗》初嚐拍劇滋味。他大讚對手岑珈其,亦希望將來有機會飾演不同角色:「珈其畀咗好多意見我,佢話『唔好驚,放膽去做』,有佢喺度我安心好多。將來都想試下唔同角色,上緊Acting Class。」今年畢業的他指現時會先專注學業:「主要學業為先,而家最後一個月、最後一個Semester,想完成晒學業先做其他嘢。」

自ViuTV節目《調教你男友》和《膠戰》播出後,Jeffrey的人氣以及工作量均有所提升。(葉志明攝)

Jeffrey早前與《膠戰》成員結伴欣賞MIRROR演唱會,他重提當日感覺時表現雀躍更大讚MIRROR是香港之光:「MIRROR好勁,去完Concert覺得佢哋係香港之光,冇悶場,每一個表演都好炸、好勁。我好少睇演唱會,係我暫時睇過最好睇嘅演唱會。(邊一Part令你最激動?)梗係Edan,Edan彈琴真係好Charm,我好鍾意Edan,佢係台上嘅表演真係好型,同《膠戰》真係兩回事。我哋喺台下Say Hi,佢有應我哋已經覺得好正,即係明星同我哋有互動。」

+5