前港姐李松蔓(Lena)今日(15/5)現身銅鑼灣出席《香港島婦女聯會》舉辦母親節電影專場欣賞會。Lena透露早前發現頸部位置有3.5cm大腫瘤,事後經醫生診斷為良性腫瘤,並接受手術成功切除:「其實初初發現嘅時候都唔係好大,但日子耐咗,個腫瘤越來越大,條氣管被壓住,講嘢時啞啞聲,嚴重影響講嘢聲線,因為我始終要拍劇,要講對白,加上外觀上會有舊嘢突出嚟會唔好睇,所以我先決定去做微創手術,由喉嚨旁邊插支嘢入去,所以而家都仲會見到條頸度有針窿痕跡。」
Lena做完頸部微創切除腫瘤手術,頸部留下針痕。(劉智源攝)