Jer柳應廷曾拒入MIRROR 慶幸冇偶包唔似姜濤:我可以行街拍拖

撰文:陳芷穎
出版:更新:

男團MIRROR成員柳應廷(Jer)接受電台訪問時重提三年前裸辭追夢,參加《全民造星》卻在99強首回合全紅燈遭淘汰。時至今日,28歲的Jer坦承當日對他打擊甚大,故早前接受陳志雲專訪時不禁爆喊:「當日自覺輸咩?因為我唱歌冇諗過要表情管理,之前我一直busking冇諗咁多,到比賽每一個評判一撳紅燈,我會緊張眨一次眼,到最後歇斯底里唱,係想盡力挽回評判嘅心,但唔成功,嗰次係人生第一次跳出舒適圈追夢,點知第一步就要走,好唔甘心。」

男團MIRROR成員柳應廷接受電台訪問時重提三年前裸辭追夢,參加《全民造星》卻在99強首回合全紅燈淘汰他坦承當日對他打擊甚大。

事後,Jer指收到花姐邀請參加復活賽時是「𦧲飯應」。不過二十強落敗後,花姐三顧草廬蘆力邀他加入MIRROR出道,他卻多番婉拒:「我推咗兩次,花姐都話:『你唔好咁急推住,考慮吓先!』係因為我唔擅長跳舞,我強項係唱歌,冇幻想過跳唱組合或MIRROR會點發展。到第三次,花姐再話:『你睇下近年香港唱得好嘅新人有幾多個出到嚟?』就係要先畀樂迷認識你!」

至於三年來如何克服入行後的演出,他指要比隊友花上十倍功夫:「其實我每次排新歌舞都會嗌救命,譬如Anson Lo一個鐘就記晒成隻舞,我要花足一星期。唔止Lokman,所有人都會幫我、教我舞步,我返到屋企亦要不斷練。」

不過二十強落敗後,花姐曾三顧草廬力邀他加入MIRROR出道,他卻多番婉拒。(IG/ @jeremylaous)

憑唱功加上MIRROR的人氣,Jer去年與Anson Lo、AK各自單飛,他最後成大贏家坐上「叱咤生力軍」金獎寶座。對於好兄弟AK三甲不入,Jer於台上的感言更被指間接踢爆兄弟「黑面」,他說:「我同AK同年,都係由細到大睇叱咤兼好重視呢個頒獎禮。三個人得兩個有獎,我感受到AK唔開心。其實當時我喺台上嘅說話係好即興,但俾人覺得似幸災樂禍。我講嘢唔叻、用詞亦唔恰當要改善,事後亦有同AK傾點一齊加油。」

經歷叱咤一事,Jer指AK一度創傷大至考慮暫停單飛派歌:「他今年出新歌《黑之呼吸》都要衝破好大嘅心理關口,我知道AK本身諗過唔再出Solo歌。因為上年嘅創傷對佢真係好大,作為兄弟見到他踏出呢步,大家都好支持。」

憑唱功加上MIRROR的人氣,Jer去年與Anson Lo、AK各自單飛,他最後成大贏家坐上「叱咤生力軍」金獎寶座。(IG/ @jeremylaous)

對於在MIRROR中姜濤最受歡迎,Jer坦言一定有羨慕,但亦同時要以姜濤作榜樣鞭策自己,不過他也慶幸自己沒對方的偶像包袱:「我開心自己冇咩『偶包』,我出道時已宣布有女朋友,呢件事姜濤一定做唔到,他而家出街都難。我公開咗有伴侶,反而係好很舒服嘅事,我哋可以光明正大行街。雖然有人認得你想影相都會令伴侶尷尬,咁就搵啲唔太多人嘅地方出街。銅鑼灣、旺角就難啲去,唯有去山頂公園或帶狗狗去海灘散步!」

同場加映

MIRROR演唱會慶功現場 12子興奮碰杯姜濤咩事天然呆?

+31
發表評論...