張頴康宣布太太有喜 準備生第三個：終於都講得喇
撰文：林通賢
出版：更新：
張頴康公布太太將會生第三個，一家人亦十分興奮。
39歲張頴康現忙拍新劇《童時愛上你》，雖然忙開工，但今晚(21日)亦在FB公布太太麥雅緻有喜，將會生第三個小朋友，已經是一子一女父親的張頴康，更一次過上載了三張相，更寫道：「終於都講得喇，我老婆成日都話，睇住小豆小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見住佢哋又覺得好滿足！其實，我都有同一種感覺！既然時間唔可以返轉頭，咁就從新再經歷多一次啦！老婆，嚟緊嘅日子辛苦你喇！其他粗重嘢等我嚟做啦！我愛你，P.S. 小豆再做家姐，好似好有經驗，所以比較冷靜！而小花生對於自己第一次做哥哥，就表示...我無眼睇。」