趙哲妤透露近來考獲言語治療師專業資格。（梁碧玲攝）趙哲妤（Uny)連同許嘉浩（Karl)今日（24/5）現身銅鑼灣為飲食節目進行試食拍攝工作。Uny透露近來正式成為言語治療師：「其實我考獲呢個專業資格都有大半年時間，而我就用咗讀差不多兩年幾時間先完成呢個課程，通過考試合格之後，仲要做一定實習時數先可以正式掛牌工作。咁而家我就喺醫院度返工，每日差不多係返朝9晚5。不過最令自己最開心就係可以用學到嘅嘢，去教導自己個小朋友學講說話，令到我都會安心好多。」趙哲妤和許嘉浩出席浩動。（梁碧玲攝）