歌手鍾雨鏇（改名前蘇慧恩）今日（4/5）現身黃大仙新蒲崗為新歌《Save a life》拍攝MV。雨鏇表示：「其實我改名係喺上個星期先決定，因為我聽風水師講，話我五行欠水，所以中間個名改咗做雨字，而師傅仲話改咗呢個名之後會多咗愁善感。啲朋友知道我改咗名之後，笑我個名，話我個名發音讀成『鍾意輸』，搞到我好無耐又好笑。不過我又發覺改咗名之後，脾氣反而係好咗好多，比較有耐性咗，因為之前會對屋企人嘅態度唔係咁好，比較容易對佢哋發脾氣，而家改咗新名，寓意從新出發。」