尤聲普設靈|羅家英汪明荃神情哀傷作最後送別:真係好唔捨得

撰文:吳子生
出版:更新:
汪明荃、羅家英出席尤聲普喪禮,二人神情表現哀傷。(梁碧玲攝

粵劇大老倌尤聲普於5月20日離世,享年89歲。喪禮今日(7/6)於紅磡世界殯儀景行堂館舉行,到旁晚6時15分汪明荃(阿姐)同羅家英均身穿黑色素服先後到達靈堂致哀。阿姐受訪時表示:「其實尤大哥同家英哥係非常之好感情,因為佢哋係拜同一個師傅,所以係師兄弟關係。佢離世嘅消息真係好突然,只係唔舒服入院幾日就走咗,真係唔知點解會咁。」

羅家英受訪時心情激動。(梁碧玲攝)

家英哥痛心激動說:「我同佢實在太好感情,同佢做咗一世戲,突然間佢就咁走咗,我真係好唔捨得。因為我16歲時已經接觸佢,到80年嘅時候就緊密接觸,咁所以到現時嚟講,我哋大家都識咗40年時間。咁呢40年裡面,大家一齊為粵劇做咗好多創作同傳承嘅項目,佢嘅離開係粵劇界嘅損失。」

發表評論...