由藝人方紹聰（奶仔）及張肇麟發起的「赤腳慈行·香港一圈」籌款活動，今日（8/6）率先於金鐘舉行首個捐贈活動，而身為奶仔好友的「牛雜妹」李亦喬亦有現身會場支持：「其實我係透過朋友認識佢一齊行山，咁我發覺佢係一隻電兔嚟。試過同佢行行吓山嘅時候，佢會突然間一支箭就衝咗上山，而我就喺佢後面食晒塵，其實佢嘅印象畀人係一個好有陽光活力嘅一個男人，好帶畀人有一種正能量，咁所以我覺得同我都幾夾，可以做朋友。」