歌手梁雨恩（Cathy）今日（9/5）現身太古城出席護膚品牌活動。Cathy透露護膚心得第一招就是搽防曬產品，防止紫外線接觸到皮膚抗衰老：「其實每次一出門，就算落街只係買杯飲品又或者外賣，我必定會搽足防曬先出門嘅，我從來都唔會偷懶。不過好記得有次細個拍唱片封套前，好努力咁敷面膜，早晚又敷一塊，到臨去拍嘢前又敷一塊，點知到化妝嘅時候，我成塊面啲皮膚承受唔到，全塊面都泛紅，搞到嗰次係成塊面炒咗粉，所以奉勸大家護膚前要細心留意自己用嘅產品啱唔啱自己用。」