林秀怡今日（15/6）現身電視城出席無綫新劇《欺詐劇團》宣傳活動。林秀怡相隔年半再度拍劇感覺陌生：「我試過埋位拍嘅時候，自己個狀態係好似發夢咁，怕自己企錯位，而且試過坐喺度嘅時候，我又唔知邊部機拍緊。之後我係需要幾日時間先會熟悉番成個流程，其實開頭前我接完通告幾點要去邊度，嗰啲程序我都有啲生疏，不過好彩我好快就熟悉番。」