內地購物平台不時都會舉辦購物節，而「618」近年亦都被列為慶典之一，唔少商戶除大搞線上優惠之外，亦會請嚟藝人做下帶貨直播，又或商演。61歲嘅台灣歌手齊秦日前現身寢具品牌嘅活動，不過事後就遭網友指佢發福凸腩，又話佢淪落到要喺商場騷，亦有網友仲齊秦一日出席兩場活動，但就完全唔換衫。

之不過，睇返寢具品牌上載嘅片段，活動當日有逾百人圍觀，而品牌高層亦有到場支持，齊秦除唱歌之外，仲一一同員工握手、影相合照，之後又到店舖做生招，齊秦近年喺內地擔任過大大小小歌唱選秀導師，出場費有傳約為100萬人民幣（約120萬港幣）4首歌，如果咁計的話，齊秦呢日就已經輕鬆袋200萬。

點擊下圖睇齊秦點日賺過百萬