顏卓靈影日落被非禮報警求助：有人掂我PatPat
撰文：吳子生
出版：更新：
Cherry透露曾被人非禮。（陳順禎攝）
顏卓靈（Cherry）今日（17/6）現身中環出席服裝品牌新店開幕儀式。Cherry表示：「其實自己本身好鍾意做運動瑜珈，所以特別鍾意著啲冇咁束縛同有彈性質料嘅衫褲，尤其係運動內衣款式，我係特別鍾意，因為瑜珈衫已經係一個潮流，所以我係唔會理人哋嘅目光，只要係唔好畀人掂到我就得。（即係試過畀人抽水？）其實真係有，係唔只一次。以前細個我係唔敢出聲，但到我經歷咁多次之後，我係學識點樣去處理。」
Cherry今日出席服裝品牌新店開幕。（陳順禎攝）
Cherry續說：「最近有次，我喺河邊度條橋影緊日落嘅時侯，突然感覺身後有人掂到我PatPat，於時我向後望，見到有個男人經過咗我身邊行咗去，當刻我望下四周圍，係冇其他人，而且條路係唔窄，我心諗點解佢要靠近我行過，嗰刻我驚覺自己係畀人非禮，所以事後我係去咗報警處理。而點解我要咁做，係唔想有其他女仔經歷我同一遭遇。」