吳沚默拍劇打到周身瘀傷似家暴：我抗打能力強唔驚痛！
撰文：吳子生
出版：更新：
吳沚默透露近來編寫一個殺手故事。（陳順禎攝）
吳沚默（MoMo)今晚（17/6）現身尖沙咀出席電影首映禮。MoMo表示：「其實本身我係好鍾意睇好刺激嘅動作戲，而且近來我寫緊一個殺手嘅故事，所以希望透過呢套電影攞到靈感，同埋自己都好想演殺手嘅角色。（你識唔識打？）我識㗎！而且我又唔驚痛，抗打能力強，仲要係好叻畀人打嗰個。我試過拍《木棘証人》嘅時候，因為個角色係黑社會大家姐需要打，拍完打戲，事後返到屋企沖涼嘅時候，先發現兩隻腳瘀晒，好似畀人家暴，之後都要睇醫生療傷。」
吳沚默今晚出席電影首映禮。（陳順禎攝）