今晚播出嘅《明星運動會前哨戰：Fight 盡》正式進入淘汰階段，有人因受傷嚴重，即使成功晉身決賽最後亦被逼放棄追夢之旅，其中一人坦言「唔憤氣」：「練得咁辛苦，又要落磅，又要跑步，又要畀人打，去到九成嘅時候要退出，真係好失望。」

為了今次賽事而在兩星期喪減18磅及13磅的鄭俊弘及吳業坤，在過磅時完全零肥膏；至於年屆48歲的海俊傑，手臂、胸肌及背肌線條均見鮮明，且相當結實，如此年紀能擁有如此身型，著實讓人佩服。而身型冠絕全場的，是全程被視為大熱門的羅孝勇，操得極為乾身的他，腹肌明顯之餘，麒麟臂亦相當有看頭，難怪呼聲甚高。

對於成功極速修身，鄭俊弘受訪時坦言是對自己的交代：「好多人都話冇可能，我同我自己講一定得。我唔係想證明畀任何人睇，我想證明畀自己睇。」太太何雁詩則坦言心情複雜：「我好戥佢自豪，我有得揀，我唔想佢再咁做。」