《東張西望》報道過各式各樣嘅騙局，昨晚播出一集提到有觀眾報料，指屋企人花費逾萬元買入由頻譜纖維同能量礦石製成嘅內衣，小冊子所寫，產品能夠強腎固本、加速新陳代謝增強免疫力、甚至增強男性生理功能，其報料觀眾喺買入相關產品之後，並未感到有任何改變……

主持人利穎怡致電該公司查詢產品功效時，對方嘅答案都幾好笑：「頻譜呢……應該咁嘅…佢係一個波長，係一個高科技嘅技術 。」之後仲話要以科學角度去解釋。以根據銷售員所講「有人著咗十分鐘就眼瞓，因為佢有修復肝嘅作用……其實樣樣都改善到，對任何人身體都好。」講到咁厲害，利穎怡請嚟香港中文大學物理系高級講師湯博士一齊拆解呢條有能量礦石嘅內褲，而結果係「絕對無可能成為催化劑，去改善身體功能，同埋咁少嘅紅外線係唔會對身體構成任何影響。」

點擊睇更多頻譜內衣