花姐轉行做譚仔姐姐? 驚喜現身Ian廣告：kai心到kai始有心跳
撰文：鄺鈺瑩
出版：更新：
花姐驚喜現身Ian嘅廣告當中。
MIRROR成員Ian(陳卓賢)同小薯茄成員阿冰為譚仔三哥微電影廣告合作，故事講述二人由校園時期相戀、分手、Ian往外國讀書再回流香港，最後重遇阿冰，一幕幕情節都在譚仔三哥內上演。
廣告內有多個品嚐不同湯底米線的鏡頭，是Ian和阿冰於拍攝期間能奉旨放肆進食，大呼過癮。
而穿插在呢個故事中嘅三哥姐姐，原來係花姐！要演好三哥姐姐的角色，一口正宗「姐姐話」極為重要，深明此道的花姐於整個拍攝期間的鏡頭前後均一直說著「姐姐話」，鬧出不少笑話，花姐更笑言入戲太深：「一直到拍攝結束後仍戒不掉『姐姐話』。」之在拍攝花絮片段所見，花姐一直摸住Ian，一直用「姐姐話」表示：「咁大個仔架啦尼，見到你真係巧kai心，咁大隻嘅你而家，我而家kai心到kai始有心跳……」最後與Ian忍唔住爆笑收場。唔少網民都留言表示，絕對係因為花姐而支持呢個微電影廣告，足見花姐魅力。