舊日的足跡|商天娥演活奶奶角色 遲婚遺憾無生B:曾經諗過領養

撰文:洪曉璇
出版:更新:
電視劇《寶寶大過天》正在熱播中,商天娥相隔6年再拍劇飾演馬國明媽媽。

電視劇《寶寶大過天》正在熱播中,商天娥相隔6年再拍劇飾演馬國明媽媽,她接受《舊日的足跡》主持車淑梅訪問時表示:「我六年冇拍劇,我係有信心嘅,因為朋友都話『餓』咗我嘅戲好耐。今次復出原因有二,一係戲癮;二係同馬國明有關。我識咗佢好多年,佢成日喺化妝間主動同我傾偈,娥姐前、娥姐後,我笑日日都見佢,爆 show 爆到七彩,係咪儲錢娶老婆?佢話希望買多間屋畀阿媽住,咁係咪代表而家嗰間留畀自己?哈哈,我唔可以代佢講嘢嘅。」商天娥大讚馬國明觀察力强、心思細密,懂得以不同方式跟不同人溝通:「好似我個樣咁嚴肅嘅,佢都有本事同我傾到偈,即係佢睇得穿每一個人,所以我覺得呢個仔有佢自己安排同想法,佢直情係個好老公,我覺得呢啲係湯小姐嘅福氣。」

+6

不少人把現時的《寶寶大過天》和年前的《BB 來了》作比較,商天娥不以為然:「我都有睇《BB 來了》,佢地話呢套係《BB 來了》第二集,我先至咁大興趣。不過,比較係正常嘅,咁先至有話題,我唔介意。我覺得每一個人都各有自己嘅忠實觀眾,有人鍾意佳芯,我都好鍾意佢,但係香香每一個位都係咁靚喎!」商天娥強調自己確實很愛演戲,希望未來可以演出更多好戲,亦無懼挑戰任何角色。

戲中商天娥演活奶奶一角!(YouTube影片截圖)

商天娥入行 38 年曾是電視台力捧花旦,但她卻非常專注地談戀愛。她於 2010 年40 多歲時才與男友 Patrick 結婚。有說男方之前暗戀她 10 多年,一直未婚默默在等待她,商天娥聽罷哈哈大笑:「呢樣嘢你要問佢,我唔方便問,我真係咁耐都冇問過佢。其實我唔介意,亦都無所謂,大家都係 40 幾歲成熟嘅人,問咁多做乜?我要嘅係而家嘅佢!我好記得,我哋第一次單獨約會,佢話:『我唔係好有錢,你唔會介意嗎?』我就話咁就好囉,我唔鍾意好有錢,夠就得啦!」

商天娥一直的心願是能夠生兩個女兒,可惜兩夫妻遲婚未能如願,亦明白不可以強求:「我同老公曾經諗過領養,好啦,真係要去領養嘅時候,老公係有潔癖嘅,佢擔心細蚊仔父母 DNA 有乜嘢,萬一有惡習脾性等等點算。我就話算啦,我地放棄呢個念頭,兩個相親相愛就夠。」

商天娥48歲與圈外老公結婚,遺憾二人未能有愛情結晶。(商天娥@微博)

重溫娥姐舊作:

+19
你可能感興趣