安心事件｜黃心穎形象破產成追訪對象 黃心美：食得鹹魚抵得渴
撰文：吳子生
出版：更新：
黃心美希望各大傳媒給空間胞妹黃心穎。（吳子生攝）
黃心美今日（13/7）現身旺角出席著名運動品牌活動。提到胞妹黃心穎自從「安心事件」被曝光後形象破產，經常成為各大傳媒爭相追訪對象。心美坦言感到無奈：「其實都明白記者朋友都係做佢哋嘅工作，有好多嘢我哋都係被動，亦明白好多嘢唔係喺我哋控制範圍，只可以話食得鹹魚抵得渴。（想唔想傳媒畀啲空間畀心穎？）我想傳媒畀啲空間我，點解每次我出嚟就好似代佢發言咁啫，我冇辦法呀，咁當然我都想你哋畀啲空間佢啦。」
黃心美笑言每次出席活動時，必定變成黃心穎代言人代答記者提問。（吳子生攝）