寶寶大過天｜潮媽岑麗香造型百變成網上熱話　大方分享穿搭心得

TVB劇集《寶寶大過天》播出以來一直深受觀眾愛戴，除了劇情吸引，連主角的打扮亦同樣好看，尤其是女主角岑麗香（香香）的休閒造型、OL打扮又或者仙氣造型都成網上熱話，備受網民讚賞：「香香啲衫好靚，加上佢又著得好好睇。」有網民甚至連香香簡簡單單穿的一對小白鞋，都開Post發問「喺邊度買」。

談到造型備受網民喜愛，香香笑言感到十分開心：「首先好多謝網民鍾意我個角色啲衫同配搭。」她亦大方分享穿衣之道：「襯衫我平時會揀高腰褲同高腰裙，因為會顯得條腰瘦啲、對腳長啲。鞋方面，我平時都鍾意著白色波鞋仔，因為舒服、易著又易襯，襯裙或牛仔褲都得。」

香香還分享大家如何著得簡單斯文又得體：「百褶裙同過膝頭哥嘅裙，我覺得易Handle同斯文啲，上身我會襯番Sweater又或者舒服嘅恤衫，感覺專業啲。返工嘅話，間唔中襯件西裝褸再加條腰帶，個Total Look望落已經唔錯。」

點擊睇香香劇中多個造型靚相！