明星運動會|孔德賢周身獎牌成大贏家:每塊獎牌有獎金就好!

撰文:吳子生
出版:更新:
孔德賢奪得「最喜愛運動員」大獎。(葉志明攝)

孔德賢(Danny)今晚(16/7)現身將軍澳電視城出席無綫《明星運動會》慶功宴,並從TVB副總經理曾志偉手上接過「最喜愛運動員」大獎以表嘉許。Danny表示:「其實呢次嘅運動會我係參加咗十項運動比賽,而攞咗6塊金牌,2塊銅牌。頭先大會宣布我攞獎嘅時候我係好驚喜,但望到個獎咁大心諗屋企邊有咁大個櫃擺放,同埋攞上手個獎係好重。不過真係好多謝公司對我嘅肯定頒呢個獎比我,如果每塊獎牌都有獎金發就最好。」