後生仔傾吓偈｜Patrick Sir靠補習起家：一星期私補50人月賺6萬
撰文：鄺鈺瑩
出版：更新：
Patrick Sir一直認為知識可以改變命運，所以賺錢之餘亦都努力讀書。
人稱Patrick Sir嘅林溥來近年成無綫重用嘅王牌司儀之一，今年4月榮升新手爸爸嘅佢，同老婆、囝囝以及愛犬住喺大圍壹號雲頂嘅三千呎豪宅，一家四口不時喺私人花園high tea，生活舒適。不過，其實Patrick Sir都曾經講過自己出生貧困，小時間一家六口住200呎單位，眼見父母不時為錢而鬧交，令他決心想辦法賺錢，中三開始幫鄰居補習。
一家四口十分美滿。
而喺最新一集《#後生仔傾吓偈》，Patrick Sir表示大學畢業後，由於未諗到想做咩工作，於是私人補習成為最大收入來源：「我本身一星期有接近50個私補，到儲夠一定人，我租咗間房仔做補習社，月入都……有5、6萬。件事同做生意一樣，你補10個學生，如果10個都好，會有口啤，佢介紹一個一有就有20個學生，嗰時啲人介紹得幾快。我都認自己係補得都ok。」
近年都劇都拍埋。（ig圖片)
Patrick Sir後來索性將補習當成正職，但他說其實都幾辛苦，因為每日由早上8點一直到晚上10點，收工之後仲要準備翌日的課題。「其實嗰時真係好辛苦，不過儲到錢，呢個補習房都維持咗一、兩年，到之後我先請人再開大間啲。」
+29