被黃婉曼大爆愛睇豪宅隨時入市 岑潔儀:冇嘢做會Call啲經紀睇樓

撰文:陳栢宇
出版:更新:

兩子之母岑潔儀(Zoey)昨晚應黃婉曼(Icy)邀請到購物平台做直播訪問。Zoey被大馬富商老公錫到燶,Icy即大爆這位富貴人妻最愛買「磚頭」,不時留意豪宅樓盤,準備隨時入巿。投資方面,她自問最渣是買股票,「我係買親股票都蝕,抽新股都會輸嘅人」,有見及此索性有錢專買新樓。

岑潔儀(右)應黃婉曼邀請到購物平台做直播訪問。

Zoey坦言有鋪睇樓癮:「我嗜好係睇樓,冇嘢做會Call啲經紀睇樓,平日又鍾意睇地產新聞。」Zoey表示當年儲夠首期上車,因為省吃儉用,才成功「上車」。有報道指Zoey今年6月中抽中可買大圍新盤柏傲莊III一個約500呎單位,她即斥資千萬入巿,可是發展商在約一周後發現兩座物業出現結構問題,必須拆卸重建,Zoey頓成「苦主」,她說:「個個都戥我唔開心,不過我又冇乜嘢,發展商有畀番賠償,只係延遲9個月交樓,咁我層樓都唔係買嚟自住,用嚟投資,諗住買嚟放租,而家有6位數字賠償,層樓變相平咗,反過嚟睇都唔差啫,我唔算苦主呀!」

+1

此外,Icy和Zoey在訪問期間也有交流栽培小孩心得,近日奧運熱潮未減,香港代表選手不停有好成績為港增光,尤其花劍金牌得主張家朗為港摘得金牌,令劍擊運動備受關注,Zoey日前也在fb分享了6歲長子Damian學劍擊相片,她說:「最初畀囝囝學呢項運動,純因為見到偶像王嘉爾玩劍擊好叻,咁啱有朋友開咗小朋友劍擊學校,我就畀囝囝去玩吓,老師讚佢有天份,呢項運動除咗考專注力,亦要訓練佢哋判斷能力,出劍都講求速度,男仔從少訓練,長大就更有承擔,將來大個入社會會行得容易好多。」

岑潔儀日前分享6歲長子Damian學劍擊相片。(岑潔儀Facebook圖片)