近年有不少無綫藝人離巢後，轉投ViuTV。由花姐、林奕匡、張紋嘉擔任評判嘅選秀節目《直播王》，日前播出第一集，喺一眾參賽者當中，就有第一代嘅《#後生仔傾吓偈》KOL--李寶君（大孖）和李寶珊（細孖）。

孖女07年加入無綫，隨即獲安排與麥明詩、馮盈盈同陸浩明主持《#後生仔傾吓偈》，其後亦有在劇集《那些我愛過的人》、《智能愛人》客串，直到2019年二人未有再續約，決心外闖，大孖之後成為《全民造星2》的形象顧問，而細孖就繼續做KOL。 不過或者係太喜歡幕前工作，所以兩姐妹一齊參加《直播王》，細孖以格仔短裙校服look大跳女團舞步，搞到花姐都頂唔順，仲話「我第時（《全民造星4》）簽嘅女團係咪都係咁？我受唔到呢啲舞喎……」幸好最後以急才成功晉級。

而大孖仲激，挺著8個月身孕跳舞，睇到三位評判一額汗。之後花姐仲話自己已經心軟，事關二人曾在工作上有過接觸：「佢俾我喪鬧！我當時鬧得好狠，鬧到佢喊……」大孖認為當時自己壓力大太，情緒出問題，與花姐無關。花姐笑言：「你仲幫我講好說話？好啦……心都軟埋！」最終大孖亦成功晉級。