42歲陳宇琛爆離開TVB真相 當年月入$8000:山頭文化令我失去演出

撰文:洪曉璇
出版:更新:
背負石修兒子之名入行,陳宇琛原來已入行18年,童顏下完全不察覺他已42歲。(IG:@sam_chan_yu_sum)

背負石修兒子之名入行,陳宇琛原來已入行18年,童顏下完全不察覺他已42歲。從2003年參演《當四葉草碰上劍尖時》至14年離巢轉到HKTV,到今年《男排女將》中黃金SIR一角人氣急升。他在IG上載與石修父子合照,憶述入行多年感受:「山頭文化嘅現實,突然間令我失去咗好多我應該有份參與嘅劇集演出。」

陳宇琛指03年參演《當四葉草碰上劍尖時》是美好回憶。(劇照)

陳宇琛畢業於英國的Kingston University London,主修建築系,當年主動提出要加入娛樂圈,父母都大感訝異:「2004年嗰陣我24歲孭住『星二代』包袱入行。 好多人以為係一條捷徑,但實際上係一條好艱難嘅路。喺TVB頭五年都好充實有好多得益,參與過各種各樣嘅製作,不過喺大台工作第五年之後,就發生人事大變動。山頭文化嘅現實,突然間令我失去咗好多我應該有份參與嘅劇集演出,幕前工作180度轉變,俾人安排做返一啲啱啱入行嘅嘢,完全唔起眼嘅節目。當時感覺好難受,好似俾人betray,對公司好信任亦付出咗咁多,拍劇捱到體力透支,身體受傷都好似白費晒。因為好鍾意做戲以為仲有一絲希望都想堅持落去。我唔係帶錢返工嘅人,嗰陣每個月人工係$8000 ,有時到月尾戶口得返$100-200,好彩自己喺出邊都接到啲jobs可以頂得住吓。」

點擊睇陳宇琛留言全文及其他靚相:

+40