楊思琦愈戰愈勇挑戰極限 為美容廣告再穿三點式騷蛇腰
撰文：鄺鈺瑩
出版：更新：
楊思琦連續9年為美容公司代言，她表示酬勞十分滿意。(受訪者提供)
43歲嘅楊思琦雖然已為一女一子之母，但話晒都係港姐冠軍級人馬，近日為美容公司代言嘅佢，分別著上三套泳裝，無論係三點式定一件頭，都弗到爆燈。而她亦有在ig分享驕人照片，並發文表示：「你地覺得邊一套好睇？好多女仔總係覺得自己身材唔夠完美，冇乜自信著泳衣示人。其實我哋只要靠後天努力，從穿搭著手，選擇適合自己嘅版型，咁就會顯得更加纖瘦。」
思琦表示老公並不會插手她的工作，而她這輯泳裝照亦獲對方讚賞。(受訪者提供)
5年前，楊思琦為紀念「39+1」呢個重要時刻，特地推出首本寫真集，當時更遠赴馬來西亞取景，換上差不多20個造型，當中不乏性感泳衣，以身體證明寶刀未老。其後思琦懷上二胎，兒子Kody出世後，未坐滿月已復工，甚至表示唔介意到內地登台，搏殺程度令人佩服。
楊思琦今年6月開始運動。
楊思琦接受訪問時透露今年6月開始運動，除了是想保持健康之外，亦是因為醫生建議她增加肌肉。「不過其實輯相係再之前影，嗰時係頻撲地瘦，同埋未有線條，有好多可以改善嘅地方，不過見到好多人都讚輯相，自己都好開心。」思琦又透露生完第二胎之後，肥了近40磅，所以「瘦得返都好開心」，她說:「自己好為食，又無戒口，不過好在照顧小朋友自然瘦下來。」
點擊睇更多思琦靚相：
+34