七公主｜高海寧為角色紮胸上陣十幾個鐘不怕變形：真係好熱好辛苦

高海寧（高Ling)今日（27/8）現身將軍澳電視城出席無綫劇集《七公主》宣傳造勢活動。提到為要演活在劇中麻甩貨Van司機角色，不惜瞓身演出剪短頭髮紮胸上陣。高Ling表示：「其開頭監製都唔使我剪咁短，但拍咗一日之後，我就覺得應該要再剪短啲，可以再爽啲，於是就即刻去剪短佢。之於點解要紮胸上陣，係因為我拍嘅時候已經着咗鬆身衫，都厭自己唔夠似男仔，加上想將成件事變得再靚啲，所以先去紮胸。不過拍嘅時候係夏天，要紮住十幾個鐘係真係好熱好辛苦。」