七公主｜丁子朗同劉佩玥拍激情戲超尷尬：我真係唔識點拍

丁子朗今日（27/8）現身電視城出席劇集《七公主》宣傳造勢活動。丁子朗表示：「其實監製搵我拍呢個角色時，都講明我呢個角色係好神秘嘅，咁所以大家而家都仲未見到我出場，只能夠講我喺故事裡面一個幾種要嘅元素。咁所以要睇我出現嘅朋友，就要等下個禮拜。（同劉佩玥做激情戲？）其實嗰場戲喺部𨋢入面發生嘅。不過好彩有劉佩玥佢帶住我演，因為佢拍嘅經驗比較多，所以拍出嚟都靚嘅。（有冇生理反應？）咁我都好專業嘅。不過我而家都仲驚緊，因為我真係唔識點拍，驚出到嚟效果唔夠自然靚。」