神級歌手隔20年再現tvb 將任港姐決賽嘉賓志偉承諾兌現
撰文：鄺鈺瑩
出版：更新：
曾志偉出任無綫電視副總經理兼行政委員會特別顧問一職，身為老友的張學友定必力撐。（視覺中國）
TVB年度盛事《2021香港小姐競選決賽》將在本月12日舉行，據知為咗提高收視與質素，TVB已邀請神級歌手擔任嘉賓，有網民在討論區亦表示「呢位歌手連內地上億都邀請唔到，竟然做港姐決賽表演嘉賓」。
有傳TVB曾入紙紅館申請檔期，但由於不成功，所以決賽將在電視城舉行。(資料圖片）
據悉，呢位神級歌手就係歌神張學友！其實早在年初曾志偉與三大唱片公司宣布「破冰」的《音樂永續 樂壇同享》記者會上，曾透露獲不少圈中好友支，而張學友更向他表示「一定會來」，故相信今次歌神再現TVB，應該係曾志偉出動友情牌的成果。
其實四大天王於90年代都不時做港姐嘉賓。(影片截圖)
其實喺90年代初期，張學友都頻頻與劉德華、郭富城等人擔任港組決賽嘅表演嘉賓，而他最後一次任嘉賓已經係2001年，換言之，今次係學友相隔20年，再做港姐嘉賓，歌神再現相信好令人期待。
同場加映：港姐2021｜學歷創近年高峰 「翻版楊采妮」梁凱晴學生相超有氣質
+26
+52