位於將軍澳嘅聯合基督教音樂幼稚園喺開學前夕，突然宣布因受財政壓力影響而結束營運，並集中資源投放於繼續營運的UCM Wonderland Playgroup及UCM Academy。校方表示將退回8月四分之一學費，亦會按合約條款賠償及遣散幼稚園部門的教職員，至於幼稚園嘅學生，亦安排不需要面試入讀區內友校。由於事出突然，令不少家長手足無措。

幼稚園標榜用音樂主導課程，學前班每年學費8萬元，幼初班至小學預備班則收費9萬8元，藝人如張嘉兒、胡諾言、楊潮凱嘅仔女都係該校學生，楊潮凱接受《東張西望》訪問時，表示得知消息後十分愕然，並希望有白武士出現。「入面嘅設施同配套都好完善，另一個我好記得係父親節，老師教阿女手板印T恤，我當時早上去party後，全日都住，因為好開心，佢哋create好多緊要回憶比我同囡囡。呢間係一間好好嘅學校，希望會有白武士出手救學校。」

《東張西望》亦訪問了曾協助幼稚園的西貢區議員方國珊，她指由於幼稚園佔地萬呎，所以租金成本十分高。有網民指幼稚園每月租金逾100萬元，唯疫情爆發後，業主堅持不減租。