陳敏之自揭曾被發哥當面「讚」勁興奮：你做雞都做得幾出色喎！

陳敏之的個人YouTube頻道今集邀請到好友黎諾懿擔任嘉賓，二人更談到自己與娛樂圈前輩相處的經驗。陳敏之率先爆料，稱當年曾在清水灣TVB電視城遭「偶像」冷待：「我好記得係一位女演員，佢坐咗喺度化緊妝，然後我就嗌佢，好似小粉絲咁同佢哈囉，然後佢就嗰啲......」之後敏之模仿對方的表情，擺出一副非常冷淡，冷眼側目的態度，對敏之不揪不采。

相關閱讀：陳敏之曾當眾怒罵同劇演員遲到：自此之後我哋就變咗做仇人

講完「揞名爆」，敏之即轉移話題到「開名讚」！提到優質前輩，敏之二話不說大讚發哥周潤發。敏之透露，曾經在拍攝外景時撞正發哥行山經過，發哥不單只能夠直呼敏之的名稱，就連她飾演的劇集亦講得出：「嗰時我有部劇叫《怒火街頭》，我係演一樓一，我冇諗過發哥會睇。我見到佢已經癲咗，跟住佢就話：『咦！你做雞都做得幾出色喎！』我係開心到同邊發哥講：『發哥！你見到我做雞呀？』」而黎諾懿則在旁打趣謂：「可能發哥見到有人拍嘢就Google，然後睇吓陳敏之拍過啲咩......」當場令敏之哭笑不得！

點擊下圖睇敏之的靚相！

同場加映：陳敏之曾當眾怒罵同劇演員遲到：自此之後我哋就變咗做仇人