劉俊謙最近獲邀擔任形象大使，宣傳10月17日在沙田馬場舉行的2021東方表行60週年沙田錦標「時尚煲呔賽馬日」，更拍攝了一輯Chok爆西裝造型照，盡顯靚仔本色！拍攝當日，造型師準備了多套紳士西裝，仲要有型男必備的煲呔，但原來劉俊謙是不懂得打煲呔，仲打呔打到一身汗，好在劉俊謙即時諗到解決辦法：「為了不失禮街坊，我在更衣室快快趣趣攞起電話上YouTube搵如何打煲呔，你哋唔好笑我打得唔靚吖。」雖然發生了蝦碌事件，但劉俊謙都好快進入狀態，拍攝出一張張完美展現迷人魅力的靚相。

點擊下圖觀看拍攝過程，以及靚相最後成品：