【想偷我雞?】單立文拍處境劇陪你開飯 豹哥仲有熱血想夾band
「出咗公海未？」、「想偷我雞？」、「對唔服從我既女人我冇興趣」......這都是90年代經典電影《賭俠》裡侯賽因（單立文飾）的經典對白。事隔27年，侯賽因在公海游回來，再次將這些金句呈現給觀眾。單立文坦言：「有好多人睇完後見到我，都仲可以一字不漏咁背返啲對白出嚟，仲勁過我！係咪我忠實fans，就睇你講唔講得出！」
除了侯賽因，見到單立文，還記得他是「西門慶專業戶」，做西門慶做到街知巷聞。不過，這一切都不重要，自他2012年重返無綫後，參與《熟男有惑》一劇做大叔，被網民大讚他演技充滿新鮮感，從此證明他的戲路闊過彌敦道。忠又做過，奸又做過，三級片又演埋，有甚麼難不倒他？反而最近他接拍處境劇《開心速遞》，演合家歡就考起他：「角色上又冇話難唔難到我，劇本點寫我點做。但拍處境劇都真係幾辛苦，每日晨早開7點，好早起身。有人話拍處境劇會準時收工，就係咁反而會肥咗。」拍處境劇開早，這個情況起碼要持績半年，豹哥會否去到中途......話口未完，豹哥搶住講：「中途咩呀？中途轉機呀？唔會啦！」相信豹哥幾辛苦都會拍埋落去。
豹哥由80年代已經入行，夾過band又拍過電影，直到2012年重返無綫。對他來說，現在算是安頓下來，因為TVB給他不少機會，短短4年間產量甚豐。最近更進駐8點檔處境劇時段，每晚食飯都可以見到豹哥，問到機會終於降臨豹哥身上，等了多少年？豹哥表示沒有刻意記住等待的時間：「捱就個個都會，睇下捱幾耐。我冇話等咗幾耐，我一直都好想拍處境劑，而家真係拍到，你哋話成日係電視機見到我，之前一路拍開好多劇，咁啱接住咁播啫。最重要就係多謝珍姐（無綫高層曾勵珍）畀機會我。」
數數手指，豹哥都快將60歲，剛講到拍處境劇辛苦，年紀漸長，但他對工作還是好有火：「又唔係好好彩，但呢啲機會都令我做嘢嘅時候好有動力。就好似陳展鵬咁，佢拍《天命》、《同盟》，日日拍十幾個鐘，就快冧低，但一Roll機就返晒嚟，我諗就係動力。」但為了工作，捱壞身體值得嗎？豹哥說：「呢個係一個制度，一直都冇變過。我只可以話，可以有機會做唔同嘅事，真係好開心嘅。」
除了西門慶、侯賽因，豹哥還有另一個身份：「香港第一低音結他手」，就算他之前組過的「Chyna」及「Blue Jeans」已經解散。不過，band仔總是熱血的，「RocknRoll never dies」，點都會想隨時隨地夾下band jam歌。既然拍劇都辛苦，之後會否停一停，落實組返隊band先？豹哥說：「想！梗係想，但都冇時間。」若果不拍劇，其實會有返啲時間喎，豹哥言之鑿鑿：「我唔會話唔拍就唔拍㗎！可以拍到幾時，就會拍落去。」即係拍到唔想拍為止。