前港姐冠軍劉倩婷（Sandy）於今年3月為老公李丞責剖腹誕下約7磅重二女李紳希（Felicia），產後極速收身，身形比之前還要Fit。今日（10/9）Sandy現身灣仔會展出席《中藝旗袍匯演》時受訪說：「本身今次我又唔係重咗好多，咁所以要慢慢回復返以前嘅身段，我嘅目標係喺我未生之前九十幾磅。（老公有冇讚身形冇走樣？）佢個人要求比較高，而且身形都好Fit，尤其喺食嘢方面佢都會好小心，甜嘢佢從來都唔掂嘅。但相反我就鍾意食甜嘢，咁所以我都係時候減下唔好食咁多。（係咪封肚？）係呀！今次我係認真，佢入紙申請我都唔會批，因為有兩個我都已經好開心。」