汪明荃與傳媒好友相識30載　分享相處之道︰互相尊重、不委屈自己

阿姐汪明荃長袖善舞交遊廣闊，每逢大時大節都有好多朋友都會送上禮物。近日阿姐陸續於IG出POST感謝好友厚愛，特別點名提到幾位相識多年的傳媒好友，道出藝人與傳媒之間一樣可以做朋友。

阿姐分享中秋禮物靚相留言：「其中包括兩條好靚、好實用嘅scarf由三位傳媒好朋友施姐、徐姐、寬姐合份送給我、十分高興。我在這圈子都54年了、其他三位都應該有30年啦。其實記者同藝人，好多時都可以做到好朋友，大家一直合作無間。藝人與傳媒是唇齒相依，相互幫忙的，我們當然不是十分熱情、亦不會反面、相處之道是互相尊重、有底缐、儘量配合、亦不委屈自己、幸虧多年來大家都保持好的關係、珍惜友誼。多謝三位大姐、知道你哋喺度攪個新project,期待你們宣佈好消息！」