i.Swim｜王智騫Martin告別潺仔谷肌出水 為拍劇激活運動細胞
撰文：陳芷穎
出版：更新：
以游泳為題的ViuTV重點青春劇《i.SWIM》，已於八月下旬開拍，演員名單相繼曝光，繼MIRROR成員Edan呂爵安、Stanley邱士縉及新晉男神Jeffrey魏浚笙落實演出後，曾參演電影《熱血合唱團》、現年24歲的太陽娛樂小鮮肉王智騫Martin，亦宣布參演，為迎合角色，Martin最近更積極操肌，由昔日的「潺仔」，搖身成為六舊腹肌男，實行唔打得都睇得的路線。
Martin最近更積極操肌，由昔日的「潺仔」，搖身成為六舊腹肌男，實行唔打得都睇得的路線。
讀Fashion出身的Martin自言向來不太熱愛運動，但因應今次角色需要，兩個月來「瞓身」操肌，他說：「今次角色需要望落去有少少線條，游水訓練時見到其他演員都好Fit，感覺上有啲對比，我唔想拖垮人哋，所以嗱嗱聲跑去做Gym，每星期操三至四日，主要操胸、膊及腹，再配合飲食，少糖少油，主要食雞胸、西蘭花、三文魚，低卡低脂。」
讀Fashion出身的Martin自言向來不太熱愛運動，但因應今次角色需要，兩個月來「瞓身」操肌。
自嘲沒有運動天分的Martin又表示：「人哋做Gym可能操幾日就明白啲動作點做，我就要操近兩星期先明白。記得初初開始做Gym，做完熱身再去做機，做完真係有啲暈同作嘔，所以初初我都以為自己會唔係好得，但身邊教練嘅逼迫下，Keep住撐落去，好彩而家有啲成績。」