徐天佑演藝事業失意遭一沉百踩 好朋友玩失蹤最難受：會搵佢唔到
撰文：吳子生
出版：更新：
徐天佑早前在社交平台宣布離開合作廿年的經理人公司，跳出Comfort zone，他今日（22/9）到北角出席選秀節目《敗者重生戰》開鏡拜神儀式，接受《香港01》訪問時說：「其實件事都醞釀咗一至兩年嘅時間，過程雙方係有傾過，而作最後決定都係呢一段嘅時間。而最近我就覺得應該係要話畀大家知，所以喺IG公開。其實都咁多年，我都想有啲轉變，咁所以同之前嘅經理人都傾過，佢都覺得我都咁大個人都係時候，都覺得我應該試下唔同嘅嘢，去發展新領域。」
提到他在帖文中直指自己曾遭一沉百踩，問及具體情況時，天佑表示：「其實有好多。而其中一次係喺我入行5年嘅時候，本身同你關係好好嘅朋友，當知道你有一啲負面新聞出咗之後，你想搵佢嘅傾訴下嘅時候，你係會搵佢唔到。（聽過最難聽嘅咩說話？）總有啲。不過我就唔想再講，反而我係會將呢啲唔好嘅嘢轉化成我嘅推動力。」