被指是不雅影片女主角 裕美感榮幸:33歲人先有啲咁嘅嘢!

撰文:吳子生
出版:更新:

林作和裕美今日(22/9)現身灣仔出席網上直播節目,大談百萬拳賽背後史。被問到百萬獎金到手未?林作表示:「佢就畀咗張支票我,但係係期票嚟嘅,咁所以啲錢未真正落袋,要等多兩日啦,但佢應該唔會走我數嘅。(獎金點樣用?)冇諗住點用,都係諗住儲埋,因為儲蓄係一種美德嚟。不過都會請食飯嘅。」身邊裕美插嘴問林作點樣回饋她?林作即時反駁裕美:「你有錢就唔使我畀,請你食飯又厭棄對得耐冇新鮮感。」裕美反擊:「我嘅錢即係我嘅錢,你嘅錢應該畀啲我。」

相關閱讀:疑似裕美不雅影片流出 林作專心應付比賽避免影響心情:無所謂

提到網上流出疑似裕美不雅影片,林作表明未睇過。而裕美笑言:「其實我都好榮幸33歲人先有呢啲咁嘅嘢,都咁大年紀。(你哋私下有冇拍過呢啲影片?)梗係冇啦!已經冇興趣搞嗰味嘢,唔好講話拍嘢,快快脆脆半分鐘算啦。不過啲人係佢臨上台比賽前放料,其實佢哋別有用心,可能係想影響佢比賽時表現。」而林作被問到前女友麥明詩有否幫他打氣加油?他嚴肅表示:「冇囉,完全冇聯絡過,好耐都冇。」

林作表明未睇過疑似裕美不雅影片。(梁碧玲攝)
對於被指是不雅影片女主角,裕美笑言很榮幸。(梁碧玲攝)

點擊看裕美靚相:

+25