曾有「師奶殺手」之稱嘅58歲陶大宇，上月正式進軍抖音，正所謂有心唔怕遲，短短一個月，陶大宇已經上載了20條短片，最受歡迎嘅一條得17秒，名為「燒酒歌散步舞」嘅影片，片中陶大宇一邊手指指一邊跳舞，估唔到竟然有近50萬人讚好，有留言表示「舞王」、「跳舞都那麼帥」，亦有留言問他甚麼時候再和郭可盈合作，「大勇，高婕呢」、「和高婕一起跳」、「宇哥，高婕呢？」、等等。

或者係得到網民嘅鼓勵，陶大宇不少影片都大騷舞技，其中一條名為「酷蓋翻手舞」影片，陶大宇fing完左手再fing右手，不過佢就好醒目咁加入單眼、咬唇等小鮮肉指定動作。其實陶大宇近年以內地工作為主，對上在港參與的幕前作品，分別是劇集《詭探前傳》（2019年）及綜藝節目《辣伙頭》（2020年）。自從進軍抖音後，陶大宇似乎樂於將鬼馬一面展現給大家觀看，再加上一口港普，又確係幾吸引。

點擊睇大宇抖音圖: