區永權回憶1999年闖台灣樂壇「折墮史」：唔知幾時有糧出！

區永權昨晚（23/9）接受黃婉曼（Icy）facebook直播訪問。區永權除了帶來結他唱Live，更促使Icy開金口，二人合唱一曲《小酒窩》，Icy超級緊張，權權鏡頭前叫她多飲紅酒壯膽。

Icy重提區永權1999年在台灣組成組合「星盒子」闖樂壇的舊事，他坦言那段日子很「折墮」：「唱片公司係預支咗一筆版稅畀我哋，但三個人分，我哋唔知幾時再有糧出，結果喺台灣捱咗三年就回港。」機緣巧合下，權權加入有線轉型做主持，輾轉2015年再過檔無綫（TVB），憑着口才了得獲得做大騷司儀的機會。

權權近日主持無綫節目《代溝關注組》，熒幕後他跟兩子相處並沒有代溝，因為父子間經常打成一片。入行22年的權權零緋聞，更是圈中共認的「愛妻號」，Icy追問他如何練成「緋聞絕緣體」？他說：「自己檢點啲，我主持工作多，少同拍檔有埋身互動，即使有人居心叵測，我又唔係小鮮肉，我又有老婆，黐我都冇用。」

Icy好奇權權在太太心中優點，權權口快快自爆：「問區太，兩個仔會知，透過房門就知。」權權答案帶神秘感，令人充滿遐想，Icy笑言「答案唔出得街」。