世界零食開倉戰｜主持霍嘉恩29+1邁進人生新階段：點解會知㗎！
撰文：吳子生
出版：更新：
霍嘉恩生日願望是希望身邊朋友身體健康。（葉志明攝）
霍嘉恩（Gracey）今日（30/9）現身觀塘為香港開電視主持全新節目《世界零食開倉戰》。講起零食，Gracey就化身成零食師：「其實我係好鍾意食零食，就算出到國，我都一定要買零食返嚟，咁樣我先覺得自己出咗國。而今次做咗呢個節目之後，係令我對零食嘅包裝加深咗認識，所以日揀零食嘅時候都會小心啲。（食得多零食會肥！）其實都擔心。尤其夜晚食零食，第二日係好容易水腫，咁所以女仔就要特別小心。不過，如果一個月一至兩次放縱吓應該問題不大。」
霍嘉恩今日為香港開電視主持新節目《世界零食開倉戰》。（葉志明攝）
提到就快過30歲生日，Gracey苦笑：「點解會知㗎！雖然踏入呢個新階段，但我就唔係好介意嘅，不過最緊要心境開朗，同埋身邊嘅朋友都身體健康，同埋近排自己都開始養身，管理下自己瞓覺時間，又會食多咗補健產品，同埋飲返多啲熱飲，我個心境係開始改變緊，哈哈！」