李靄璣Fit爆亮相餐廳開幕活動 食雪糕、朱古力都保持到好身形？
撰文：葉詩
出版：更新：
李靄璣（Rikko）周三（6日）出席中環一家意大利餐廳開幕儀式，Rikko自言與意大利很有淵緣：「同老公（林奕匡）度蜜月、之後去Family Trip都揀咗意大利，疫情完咗都想再去Road Trip，始終先生比較鍾意汽車歷史。」談起在意大利的難忘事，Rikko說：「第一日到意大利我嘅腸胃可能唔太習慣，嗰晚返到酒店全身冇力，沖完涼老公好好幫我吹乾晒頭、又幫我出去買藥令我舒服啲，都幾浪漫。」
李靄璣出席中環一家意大利餐廳開幕儀式，她指自己與意大利很有淵緣。（陳順禎攝）
Rikko的Fit爆身材令不少人稱羨，她自言在家中做不少Workout、瑜珈及帶氧運動，至於飲食方面：「自己都偏向健康，唔會話太揀飲擇食，意大利雪糕或者朱古力都會照食，不過會有限制，第日要做多啲運動，平時都係少甜、少鹽、少油，仲有少食多餐，唔會聚到咁多脂肪喺體內。」