樂易玲現身撐仔仔畫展：小朋友爭取夢想作為父母一定支持
撰文：陳芷穎
出版：更新：
樂易玲兩位仔仔Adrian和Ryan在會展舉行畫展，樂小姐在百忙之中抽空出席並於現場幫忙打點。（葉志明攝）
無綫（TVB）高層樂易玲的兩位仔仔Adrian和Ryan今日（7日）在會展舉行畫展，樂小姐在百忙之中抽空出席並於現場幫忙打點。她接受《香港01》訪問時透露今次是仔仔的第三個畫展：「我比較忙，畫畫嘅時候好少打攪佢哋，唯一做到係佢哋開畫展嚟支持。」
Adrian和Ryan是次共展出四幅實體畫以及一幅NFT畫作，樂小姐看後直言覺得他們大個仔。（葉志明攝）
Adrian和Ryan是次共展出四幅實體畫以及一幅NFT（非同質化代幣）畫作，樂小姐看後直言覺得他們大個仔：「最好佢哋搵多啲錢等我可以退休，佢哋鍾意嘅嘢有展出嘅機會已經覺得好好。每一個小朋友爭取佢哋嘅Dream ，作為父母一定支持。」
樂小姐透露聲夢學員有不少工作已安排。（葉志明攝）
樂小姐說一定要支持年輕人追夢，更坦言將《聲夢傳奇》的學員當成自己的仔仔女女：「除咗支持仲好錫佢哋，好似自己啲細路哥咁。咁細個就咁有理想、又勤力，又聰明，個個都好有大志，一定要畀多啲鼓勵，年輕人唔好放棄任何機會，努力一定有出路。」
她亦透露一班《聲夢》學員的工作動向：「有啲會返大陸拍劇，有啲就有新歌錄音、拍MV，做娛樂節目都有，啱啱嘅《青春本我》都有成班小朋友演出，贏晒咁多人嘅友誼係最重要。」