蔡潔今晚出席《廉政狙擊·黑幕》煞科宴。（梁碧玲攝）蔡潔昨晚（13/10）現身尖沙咀出席邵氏新劇《廉政狙擊·黑幕》煞科宴。蔡潔透露在劇中同胡定欣感情戲份：「其實定欣算係我嘅老闆，而且我哋係好好嘅朋友關係，當中我就設計咗一啲嘅元素喺裡面，令到我同佢之間係會產生咗一種微妙情感喺裡面。（戲裡面同定欣有冇親密場口？）哈哈！經常一齊開會算唔算。其實我入行第一個人就係識定欣，相隔8年終於兜咗一個圈咁，一嘗同佢合作演戲，真係覺得好微妙。」蔡潔透露在新劇中同胡定欣會有感情線。（梁碧玲攝）