廉政狙擊｜黃宗澤口快快「蔡思貝好抵玩」 吳卓羲幫好兄弟解圍
撰文：吳子生
出版：更新：
Bosco口快快講錯話：「蔡思貝好抵玩。」（梁碧玲攝）
黃宗澤（Bosco）和吳卓羲（Ron)昨晚（13/10）出席邵氏新劇《廉政狙擊·黑幕》煞科宴。Ron表示：「今次我喺呢套戲入面，我唔再做執法人員。喺我哋開呢部戲嘅時候，編劇同老闆們有講過，不如試吓玩啲唔同嘅嘢，畀咗個反反地嘅律師角色我去做，經常將歪理變道理。」
黃宗澤口快快講錯嘢，吳卓羲神解圍，令Bosco大笑。(梁碧玲攝)
而Bosco被問到同靚女蔡思貝合作做情侶，會否把持不住戲假情真？Bosco笑言：「唔係要講呢啲呀！」身邊阿Ron出聲反問：「靚女咩？」Bosco同阿Ron互望大家，然後甚有默契一齊放聲說：「靚女！」之後Bosco補充說：「其實蔡思貝都幾男仔頭嘅，同埋佢都抵讚。因為有時我哋同導演度劇本，都會加啲新嘅元素落去，令到成件事大家都會睇得好開心。佢真係好聽聰明，一講佢就做到，呢樣嘢佢係抵讚嘅。（佢好好玩嘅！）同埋佢真係好抵玩嘅。」阿Ron見勢色不妙，即時幫佢解圍：「因為我哋拍戲有啲字係要濃縮，佢係話佢好抵死，又好好玩，咁變咗抵玩。」Bosco苦笑話：「哎呀！點解我會咁講㗎。」
吳卓羲終於在新劇中不需再演執法人員。（梁碧玲攝）
黃宗澤、蔡思貝在邵氏劇集《廉政狙擊·黑幕》飾演情侶。(梁碧玲攝)